საზღვაო სფეროში
დასაქმების ხელშეწყობა

საკრუიზო ლაინერზე დასაქმების ხელშეწყობა

ქვეპროგრამა ითვალისწინებს, საკრუიზო ლაინერზე დასაქმებით დაინტერესებულ პირთა გადამზადებას გემზე მიმტანის და ბართენდერის და რეცეფციონისტის პროფესიულ მიმართულებაში, იმ უნარების განვითარების მიზნით რაც აუცილებელ წინაპირობას წარმოადგენს საზღვაო სფეროში, კერძოდ საკრუიზო ლაინერებზე, მომსახურე პერსონალის დასაქმების ხელშეწყობისათვის.

სწავლება განხორციელდება სპეციალურად შემუშავებული,
მოკლევადიანი ინტენსიური სასწავლო მოდულით, რომელიც მოიცავს:

სამგზავრო გემის მომსახურე პერსონალის პროფესიული სწავლების კურსი
საერთო ხანგრძლივობა – 498 საათი

 

◾️პროფესიული სასწავლო თეორიულ და პრაქტიკული კურსი
 (განხორციელდება იმიტირებულ სასწავლო გარემოში)		 არანაკლებ
100 სთ
◾️საწარმოო პრაქტიკა რეალურ სამუშაო გარემოში
(განხორციელდება სტუმართმასპინძლობის სფეროში პარტნიორი კომპანიების ბაზაზე.		 არანაკლებ
40 სთ
◾️პროფესიული მიმართულებით / დარგობრივი ინგლისური ენის
ცოდნის დონის ამაღლება

არანაკლებ
90 სთ
◾️დამხმარე მეორე უცხო ენის საბაზისო კურსი არანაკლებ
70 სთ
◾️ინტერპერსონალური კომუნიკაციის უნარები არანაკლებ
10 სთ
◾️გაყიდვების ტექნიკები – საკრუიზო ლაინერზე
არსებული გაყიდვების სპეციფიკა		 არანაკლებ
10 სთ
◾️წინაგასამგზავრებელი საორიენტაციო ტრენინგი არანაკლებ
10 სთ
◾️საზღვაო ფლოტში მომუშავე პირის შესაბამის მასერტიფიცირებელი კურსი
(STCW კონვენციისა და IMO მოდელ კურსების მოთხოვნების შესაბამისად)		 არანაკლებ
168 სთ

2026 წელს პროგრამით სარგებლობის საშუალება 36 მოსარგებლეს მიეცემა.

რეგისტრაცია

ქვეპროგრამაში ჩართვის წესი და პირობები

ქვეპროგრამის ფარგლებში მომსახურების სარგებლობის უფლება აქვს შრომითი ქმედუნარიანობის ასაკის მქონე, აჭარის ავტონომიური რესპუბლიკის ტერიტორიაზე მცხოვრებ, საქართველოს ნებისმიერ მოქალაქეს 18 წლიდან, რომელიც

✅ დარეგისტრირებული უნდა იყოს ან/და დარეგისტრირდეს აჭარის დასაქმების სააგენტოს მიერ ადმინისტრირებად შრომის ბაზრის მართვის ელექტრონულ სისტემაში.
✅ სრულყოფილად შეავსებს პროგრამაში ჩართვის მსურველთა განაცხადის ფორმას სააგენტოს მუნიციპალურ განყოფილებებში ან ელექტრონულად https://onboard.hrajara.gov.ge/ აღნიშნულ გვერდზე.
✅ წარმატებით გაიაროს კონკურის ეტაპები (გაეცანით მონაწილეთა შერჩევის ეტაპებს)
✅ ქვეპროგრამით მოსარგებლემ, კონკურსის შედეგების გაცნობის შემდგომ არაუგვიანეს 2 დღეში უნდა წარმოადგინოს ჯანმრთელობის ცნობა (ფორმა 100 ა).

ცნობის წარმოუდგენლობის შემთხვევაში, მოსარგებლე გამოეთიშება პროგრამას და მოხდება ჩანაცვლება სარეზერვო სიიდან.

შერჩევისას, პრეტენდენეტებს შორის თანაბარი ქულების დაგროვების შემთხვევაში უპირატესი უფლებით ისარგებლებენ:

✅ ტურიზმისა და სტუმართმასპინძლობის სფეროში განათლების მქონე პირები
✅ მიმტანის, ბართენდერისა, რეცეფციონისტის და მონათესავე პოზიციაზე სამუშაო გამოცდილების მქონე პირები

საკონკურსო კომისიის წევრებად, შესაძლებელია მოწვეულ იქნას სხვა ორგანიზაციის წარმომადგენლები (მაგალითად: დარგის სპეციალისტები, საკრუნინგო კომპანიის წარმომადგენელი და აშ).

კონკურსი მოიცავს შემდეგ ეტაპებს:

განაცხადების გადარჩევა
კონკურსში მონაწილე პირის ინგლისური ენის ფლობის ვერბალურ ნაწილთან ერთად შეფასდება – განათლება, სამუშაო გამოცდილება, ზეპირი კომუნიკაციის უნარი და მოტივაცია

ტესტირება
განხორციელდება ინგლისური ენის ცოდნის დონის შეფასების მიზნით, სადაც კონკურსანტმა უნდა გადალახოს ტესტირებით განსაზღვრული ბარიერის მინიმალური ზღვარი, გასაუბრების ეტაპზე გადასასვლელად

გასაუბრება
სადაც, კონკურსში მონაწილე პირის ინგლისური ენის ფლობის ვერბალურ ნაწილთან ერთად შეფასდება – განათლება, სამუშაო გამოცდილება, ზეპირი კომუნიკაციის უნარი და მოტივაცია

რეგისტრაცია

ლაინერეზე დასაქმების უპირატესობები

მაღალი ანაზღაურების გამომუშავების შესაძლებლობა

საერთაშორისო გამოცდილება სტუმართმასპინძლობის სფეროში

სამუშაო კარიერული განვითარების რეალური პერსპექტივით

უცხო ენის პრაქტიკული ცოდნის გაღრმავება

ისწავლე, განვითართდი, იმოგზაურე !

რეგისტრაცია

სამუშაო მოვალეობები და თვისებები

ამა თუ იმ პოზიციის აღწერილობასა და ფუნქცია-მოვალეობების განსაზღვრის დროს, ხშირად, კონკრეტული კომპანები საკუთარ თავს უფლებას აძლევენ დაუშვან ზოგიერთი “საკუთარი გაუმჯობესება/სერვისი“ და შემოიღონ გარკევული დამატებითი მიდგომები, თუმცა ისინი შესაბამისობაშია ზოგად სტანდარტებთან და არ ცდება მათ.

მოცემული ინფორმაცია გაცნობითი ხასიათისაა და ის შესაძლოა შეიცვალოს დამსაქმებელი – საკრუიზო ლაინერის მმართველი გუნდის მიერ კონკრეტული კონტრაქტის შესაბამისად. თვიური შემოსავალი შესაძლოა განსხვავდებოდეს გარანტირებული ფიქსირებული ანაზღაურების, ზეგანაკვეთური დანამატის და მომსახურებაზე დამატებითი გასამრჯელოს მიხედვით.

რესტორნის პერსონალი

ძირითადი მოვალეობები – სტუმრების (შვედურ მაგიდასთან) მომსახურება, მაგიდის სერვირება და ალაგება, ჭურჭლის დახარისხება და გაწმენდა, თანამშრომლის დაქვემდებარებაში მყოფი სამუშაო სივრცის მწყობრში შენარჩუნება. ამ პოზიციაზე საკმარისია მცირე სამუშაო გამოცდილება და ინგლისური ენის საბაზისო ცოდნა.

თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ეწ თიფსი) და შეადგენს 800-1200 $

ძირითადი მოვალეობები – გუნდის წევრების მომსახურება სასადილოში და რესტორნებში მიმტანების დახმარება მგზავრების მომსახურებისას, თანამშრომელის დაქვემდებარებაში მყოფი სამუშაო სივრცის მწყობრში შენარჩუნება. ამ პოზიციაზე სავალდებულოა სამუშაო გამოცდილება და კარგ დონეზე ინგლისური ენის ცოდნა.

თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ე.წ თიფსი) და შეადგენს 1000-1300 $

ძირითადი მოვალეობები – უშუალო დაქვემდებარებაშია უფროს მიმტანთან (Head Waiter/Ass. Maitre’d). პასუხისმგებელია სტუმრების მომსახურებაზე. სავალდებულია ინგლისური ენის ცოდნა ძალიან კარგ დონეზე და გამოცდილება ან საერთაშორისო რესტორნების, სასტუმროების ქსელში ან გემზე, რადგან მას უწევს მომხმარებლებთან ურთიერთობა, რჩევების მიცემა კერძების შერჩევისას, აგრეთვე მიმტანის დამხმარის მოქმედებებს უნდა ადევნოს თვალი. მიმტანი ვალდებულია იცოდეს მენიუს ყველა კერძი, ჭურჭელი და ხელსაწყოები, მისაწოდებელი კერძების ტემპერატურა და უნდა შეძლოს უზრუნველყოს შესაბამისი ღვინის შერჩევა.

თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ეწ თიფსი)  და შეადგენს  1500 -2500 $

ეს არის ან თანამშრომელი, რომელიც ზედამხედველობს სხვა მიმტანების მუშაობას და ამავდროულად ასრულებს იმავე სამუშაოს (ე.წ. “წინამძღვარი”) ან სპეციალისტი კონტროლის ფუნქციების გარეშე, მაგრამ უფრო განვითარებული პროფესიული უნარებით ან სამუშაო გამოცდილებით.
ძირითადი მოვალეობები – გააკონტროლოს რესტორანში მასობრივი ღონისძიებების მოსაწყობად დარბაზისა და აღჭურვილობის მომზადება; განახორციელოს გუნდის წევრების საქმიანობის მონიტორინგი; მოამზადოს მოხსენებები რესტორნის მიმტანთა და ბარმენთა გუნდის მუშაობის შესახებ; მიმტანთა და ბარმენთა ბრიგადის მუშაობის მიმდინარე და ოპერატიული გეგმების შემუშავება და სამუშაოს განაწილება; სამუშაო ადგილზე გუნდის წევრების მომზადება სარესტორნო ინდუსტრიაში სამომხმარებლო მომსახურების თანამედროვე ტექნოლოგიებში; კონფლიქტური სიტუაციების მართვა სერვისის განყოფილებაში; აღნიშნული პოზიცია მაღალი პასუხისმგებლობის ხარისხით გამოირჩევა და პოზიციაზე დასასაქმებლად, ძირითადში გარდა ინგლისურის კარგი ცოდნისა მოითხოვება, მიმტანად და ლაინერებზე მუშაობის გამოცდილებაც.
თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ეწ თიფსი) და შეადგენს 2200-3500$

ბარის პერსონალი

ძირითადი მოვალეობები – ბარის კლიენტების მომსახურება; ღებულობს შეკვეთებს, ემსხურება მომხმარებლებს და კონსულტირებას უწევს ალკოჰოლური და არაალკოჰოლური სასმელებისა და გარნირის შესახებ; ზუსტად ცნობს ყველა სახის სასმელს, პროდუქტების სახეობებსა და ხელმისაწვდომ ასორტიმენტს. თითოეული პოზიციისთვის, მიმტანი უნდა იცნობდეს მოკლე აღწერას და შთაბეჭდილებას, რასაც კონკრეტული კერძი ქმნის. უზრუნველყოფს მომხმარებლებამდე ალკოჰოლური და ალაალკოჰოლურ ბაზაზე მომზადებული კოქტეილების მიტანას; პასუხისმგებელია ბარის დახლის მიმიზიდველად გაფორმებაზე, სამუშაო ადგილზე წესრიგისა და სისუფთავის შენარჩუნებაზე.

ამ პოზიციაზე იწვევენ ახალგაზრდა გოგონებსა და ვაჟებს (ძირითადად 20 წლიდან)  უცხო ენის კარგი ცოდნით და ბარში მუშაობის გამოცდილებით.

თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ეწ თიფსი)  და შეადგენს  1100 – 1400 $

ძირითადი მოვალეობები – ანგარიშვალდებულია ბართენდერისა და უფროსი ბართენდერის წინაშე. უზურნველყოფს ბართენდერის დახმარებას ბარის მომსახურების, ლაუნჯის, საკუჭნაოს, ყველა მინის ჭურჭლისა და აღჭურვილობის სუფთა და სათანადო წესით მოვლა-პატრონობის კუთხით. პასუხისმგებელია ბარის შევსებაზე და სახარჯო მასალების შეგროვებასა და ტრანსპორტირებაზე (სასმელები, საჭმელები, მინის ჭურჭელი და ა.შ.)

პოზიციაზე დასაქმებისთვის ბართან დაკავშირებული წინა გამოცდილება სასურველია, მაგრამ არა სავალდებულო, აუცილებელია ინგლისური ენის საბაზისო ცოდნა. აღნიშნულ პოზიციაზე დასაქმების მსურველი უნდა იყოს არანაკლებ 21 წლის

თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ეწ თიფსი)  და შეადგენს  1100-1600 $

ძირითადი მოვალეობები – ანგარიშვალდებულია უფროსი ბართენდერის და ბარის მენეჯერის თანასემწის წინაშე. უშუალოდ ზედამხედველობას უწევს ბარის დამხმარე პერსონალის სამუშაო პროცესს, ახორციელებს მათ მხარდაჭერასა და შეფასებას. პასუხისმგებელია მგზავრების პროფესიონალურ და თავაზიან მომსახურებაზე საკრუიზო გემის ყველა ბარსა და სასმელის პუნქტში, ასევე ბარში პერსონალისა და ეკიპაჟის წევრების მომსახურებაზე. უზრუნველყოფს ბარების უწყვეტ გამართულ მუშაობას და საკრუიზო ხაზის სტანდარტების შესაბამისად გაწეული მომსახურების ხარისხს;  სასმელების სწორად გაფორმებას, მიწოდებასა და დამხმარე პერსონალის მიერ ყველა შეკვეთის სწორად შევსებას.

პოზიციაზე დასაქმებისთვის ბართან დაკავშირებული არანაკლებ 2-3 წლიანი გამოცდილება და შესაბამისი განათლება. აუცილებელია ინგლისური ენის კარგი ცოდნა. აღნიშნულ პოზიციაზე დასაქმების მსურველი უნდა იყოს არანაკლებ 21 წლიდან

თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ეწ თიფსი)  და შეადგენს  1800-3000 $

ძირითადი მოვალეობები – ანგარიშვალდებულია ბარის მენეჯერის თანაშემწისა და სასმელების მენეჯერის წინაშე. პასუხისმგებელია დაქვემდებარებული გუნდის (ბართენდერი, ბართენდერის თანაშემწე, ბარში მიმტანი) მუშაობაზე, აკონტროლებს დავალებებს, დამატებით გასამრჯელოს, სამუშაო საათებსა და დასვენების დღეებს, პიკის საათებში ეხმარება მათ საკრუიზო გემზე სხვადასხვა ბარებსა და სასმელების პუნქტებში. ახორციელებს სამუშაო ადგილზე ბარის პერსონალის ყოველდღიურ ტრენინგს, რომელიც მოიცავს სასმელის მომსახურების ყველა ასპექტს და უზრუნველყოფს, რომ სასმელების გუნდის ყველა წევრი აკმაყოფილებს საკრუიზო ხაზის მიერ დადგენილ მომსახურების სტანდარტებს

პოზიციაზე დასაქმებისთვის აუცილებელია მინიმუმ სამ წლიანი გამოცდილება სასმელების მომსახურეობაში (სასურველია საკრუიზო ლაინერზე, მაგრამ არასავალდებულო)  ბართან დაკავშირებული წინა გამოცდილება სასურველია,  ინგლისური ენის კარგი ცოდნა, მენეჯმენტის და მულტიკულტურულ გარემოში მუშაობის უნარი. აღნიშნულ პოზიციაზე დასაქმების მსურველი უნდა იყოს არანაკლებ 23 წლის

თვეში საშუალო ანაზღაურება დამოკიდებულია დამსაქმებელ კომპანიასა და დამატებით გასამრჯელოზე (ეწ თიფსი)  და შეადგენს  2300-3500 $

რეგისტრაცია